نداء من اماني فهمي للسادة مسؤلي وزارة السياحة والآثار لتفادي سوء التنظيم بالمتحف الكبير!

محمد عبدالرحمن

٢٤ ديسمبر٢٠٢٥

صرحت الأستاذة اماني فهمي المرشدة السياحية علي وسائل السوشيال ميديا وتصريحات خاصة لنبض العمال نداء للسادة المرشدين السياحيين لتفادي سوء التنظيم بالمتحف المصري الكبير!

لو انت مرشد ومعك اكتر من سته أفراد لازم تشتري تذاكر ايجار سماعات وده منطقي بس ال مش منطقي

طابور عشان تسجل اسمك وتاخد ورقه استلام سماعات وطابور عشان تستلم السماعات وطابور عشان ترجع د…. أم السماعات

ومع الزحمه كل طابور نص ساعه تقل او تزيد.

وال فات ده ف كومه وانك لما تقرب ييجي عليك الدور تلاقي السماعات خلصت فمفيش حل غير تنتظر الجروبات ال جوه تخلص ويرجعوا السماعات او تمشي تشرح بدون سماعات وده مش لايق بس انت مضطر، موظف السماعات قال ال معه لحد عشره يروح يشرح بدون سماعات عشان السماعات خلصت ال معه تلاتين واربعين مضطر ينتظر ساعه واكتر لخين عوده السماعات والساعه كانت تقريبا عشره ونصف يعني عشم ابليس ف الجنه السماعات ترجع بسرعه.

والأكثر عمقا انهم عاملين شباك استلام المرشدين للسماعات وكل مرشد معه عشرين وتلاتين واربعين سائح منتظر هو نفس شباك حصول الزوار الفرادى على رحله بمرشد فبياخذ سماعه لرحلته.

ازاي ياعم يا ابو التنظيم كله بس مش عشان الاستاذ مرشد على راسه ريشه بس عشان ده معناه كل الجروبات دي هتقف تعطل لك المدخل وترحمه، والحقيقه اي زحام بالمتحف مفتعل بسبب سوء التنظيم.

احنا مش عايزين اصطدام مع حد عايزين تعاون لتنسيق العمل ويسمعوا مننا عشان فعلا شكاوينا بتعبر عن السايح ال هو اه مش واقف معنا بالطابور بس منتظر ومرمي ف اي حته قريبه عشان لما نستلم السماعات لازم يكون جنبنا ياخدها ويجرّبها

وذلك تقترح باحترام مكانة وأهمية المتحف المصري الكبير عالمية ولابد من انه يدار بنفس هذه القوة .

وعليه ترجوا من السادة المسؤلين زيادة عدد شبابيك السماعات وتكثيف الخدمة بالشكل اللائق.

وإعادة تنظيم حركة التعامل مع السادة المرشدين السياحيين.

وتناشد السيد شريف فتحي بتخصيص طرق شرعية لمتابعة اقترحات المرشدين لأنهم في قلب الحدث لصالح مصر 🇪🇬.

وللوزارة حق الرد.