محمد عبدالرحمن
٢٤ ديسمبر٢٠٢٥
دانيال ابن رأفت الهجان أو جاك بيتون زي ما كان معروف.. واللى قال المحامي بتاعه لمجلة الموعد إنه لما عرف بقصة والده الحقيقية بدأ يعيش فى صراع نفسي حاد..
وفسر المحامي ليه دانيال عاش الصراع النفسي الحاد ده.. وقال إن “صدمته فى إن أبوه مش أبوه وديانته مش ديانته وأهله مش أهله كانت كبيرة جدا وفوق التصور”..
وقال كمان إن دانيال لما بدأ يحكي لأصحابه قصته وقصة أبوه وحقيقته اتهموه بالجنون وده زود أزمته النفسية.. لحد ما مرت الأيام وقدر يتجاوزها خصوصا لما عرف أنه ابوه كان بطل من طراز خاص..
المقصود بجملة “أبوه مش أبوه” أنه عاش متصور إن أبوه رجل أعمال منتمي لدولة تانية وفجأة اكتشف أنه مصري وكان في مهمة لبلاده.
دانيال بيتون (الابن): هو الابن الوحيد لرفعت الجمال من زوجته الألمانية فالترود، وقد طلب الجنسية المصرية مراراً، وتوجه بالطلبات للمخابرات، لكنه قوبل بالرفض، وقد صرح بأنه وابنه (حفيد الهجان) يريدان الجنسية المصرية لكن طلبهما قُبل بالرفض.
