الآثار المصرية المسروقة داخل المتحف البريطاني أكثر من أثار المتحف المصري الكبير!!!

محمد عبدالرحمن

١٥ نوفمبر ٢٠٢٥

 

 

المتحف البريطاني لوحده يحتوي على ١١٠ الف قطعة اثار مصرية – اكتر من اللي في المتحف الكبير ده كله – رافضين يرجعوا ولا حتة فيهم، المتحف البريطاني ده انشيء سنة ١٧٥٣م وفي سنة الافتتاح دخل عليهم السير “هانز سلون” ب١٦٠ قطعة اثرية من اللي سرقهم من مصر.

 

ثم جاءت بعد ذلك الحملة الفرنسية سنة ١٧٩٨ و نابليون جَمع اللي قدر يلمه بس انهزم في معركة ابو قير البحرية وسلم اللي معاه للانجليز، يقوم الانجليز بدل ما يرجعوها لمصر ياخدوها معاهم وفوقيهم حجر رشيد اللي هوا درة العرض في المتحف هناك.

 

سنة ١٨١٦م بريطانيا فتحت قنصلية في مصر وعينت فيها هنري سولت، اللي هوا جامع اثار انجليزي عينوه قنصل هنا يلم اللي يقدر يلمه، يعمل علاقات مع محمد علي باشا ويأمن تهريب الاثار لبريطانيا.

 

اشهر حتة في المتحف بعد حجر رشيد هو تمثال رمسيس الثاني النصفي اللي جابه المستكشف الايطالي جيوفاني بيلزوني والتمثال كان وزنه ٧ طن نقله في مدة ١٧ يوم وكسرله عامودين في الطريق عشان يوسع لنفسه ولنقله.

 

بريطانيا خصصت صندوق اسمه صندوق استكشاف مصر لنهب اثار مصر وتوريدها لبريطانيا، منظمة ربحية اتأسست سنة ١٨٨٢م اللي هيا نفس سنة دخول بريطانيا لمصر، صاحبة فكرة الصندوق دي “ايميليا ادواردز” الكاتبة الانجليزية الشهيرة لما جت مصر هروبا من برد لندن.

 

كتبت هنا رواية “الف ميل على طول النيل” وصفت فيه مصر واثارها سنة ١٨٧٦م والرواية نجحت وده شجعها تشارك موظف في قسم العملات وتعمل الصندوق ده تلم بيه التبرعات وتيجي تهرب اثارنا، والمحصلة ١١٠ الف قطعة مصرية في متحف بريطانيا لوحده، غير اللي في فرنسا وايطاليا وامريكا والمانيا وكل بلد من دول فيهم متحف واخد من عندنا شوية.

 

٢ مليون قطعة اثار مصرية برة مصر تخيل الرقم بس واتفرج عالافتتاح واتبسط احنا البلد الوحيد اللي كل اثاره ومتاحفه قايمة على حضارتنا احنا مش مستوردين حاجة من حد .

Upscaled with Gigapixel v1.0.2. 1280×1071 => 5120×4284 (4x) Model: RecoveryV2, detail: 0.33