محمد عبدالرحمن
٢٣ نوفمبر ٢٠٢٥
كلمات المصرية القديمة
Vocabulary of Ancient Egyptian
الداتا بيز بتساعدك في
1- امكانية البحث عن كلمة مصرية قديمة بواسطة كيبورد تتضم نطق المصرية القديمة
transliteration
والحديث هنا انك لو بتدور على جزء من كلمة هيشتغل معاك بحث بمجرد الكتابة
بمعنى لو كلمة مفقود أولها أو آخرها هتعرف تتعرف عليها
2- بعد ما تجد الكلمة التي تحتاجها، تختارها من قوائم كلمات البحث، فتجد معناها بأربعة لغات، خللي بالك إن منها اللغة العربية، يعني معاك الكلمة هيروغليفي، ونطقها، وترجمتها بالعربي، والجميع قابل للكبي بيست لو محتاج تحطها ف بحث.
3- تحت كل كلمة فيه 3 أيقونات، واحدة للتهجئة الهيروغليفية، يعني الأشكال المختلفة للكلمة الواحدة. وأيقونة القواميس ودي أهم واحدة
بتقدم لك عشرات القواميس، بأرقام الصفحات، ومن ضمنها الكلمة في الديموطيقي والقبطي وقواميس etymology >>>> يعني الكلمة في كل مراحلها التاريخية
والأيقونة الثالثة هي أيقونة التعليق
ودي مهمة أما يكون الكلمة عليها جدل، أو ذات مغزى ديني أو خلافه لانه ببساطة هيمدك بعدد من المراجع بتتضمن النصوص اللي فيها الكلمة
4- تقدر تستعرض كلمات متعددة معًا للمناقشة أو للتدريس
من هنا
شكر واجب للصديق د. بيتر ميصائيل (جامعة جوتنجن) على الإشارة ومساعدتنا بالكثير من معرفته الغزيرة.
