محمد عبدالرحمن
٢٠ نوفمبر ٢٠٢٥
صرح الاستاذ محمد نبيل منشئ محتوى على السوشيال ميديا نزل اخيرا الحوار المنتظر مع د. مونيكا لو تسمح الدكتورة نناقشها واكيد هي ادرى بتخصصها الاثري وبعركتها مع زاهي حواس وشعور البارانويا هي حرة انما نناقش اللي و يخصنا و نركز على كلامها بخصوص الافروسنتريك والحضارة المصرية
١- في هذا الرد الدكتورة تجاهلت عشرات الابحاث العلمية اللي فندت كلامها الغير علمي وانها هي اللي استدعت الجينات والاعراق في دفاعها عن كليوباترا السوداء الضربات العشر واللي ردت عليه بجيناتها ٩٠٪ الاثيوبية ولما الناس طالبوها بالدليل مسحت التويتة وحتى لما لجأت لكتاب علمي حورت الكلام وقالت اصل البشر من اثيوبيا والكتاب بيقول حرفيا شرق ووسط افريقيا دون تحديد دولة وتجاهلت بعد كدة مناقشة الناس واعتبرتهم كلهم لجان
٢- الدكتورة تجاهلت شيخ انتا ديوب مؤسس الافروسنتريك علشان ساعتها مش حتعرف تفسر الجنوب الغلبان اللي شايف نفسه ابو كل الحضارات وتمثاله اللي ادام الجامعة في داكار وكلام وزير خارجية الكونغو ورئيس اوغندا امام الرئيس المؤيدين لكلامه ولزقتها في الامريكان مش حتى الامريكان السود علشان منظرها
اللي بتدينا دروس في العلم والتاريخ بتدلس في التاريخ بشكل غير مفهوم والسؤال الاهم هل الافارقة اللي بتدافع عنهم رافضينه؟
لا والف لا واحتفاءهم بانتا ديوب وترديد كلامه بينفى ده تماما
بالمناسبة العلم اللي بتقول انه حينهي الافروسنتريك هو لما”اولاد كيميت” نشروه اتهمتهم بالعنصرية
٣- ماحدش جاب سيرة نقاء عرقي اساسا
الافروسنتريك بيتهموا المصريين الحاليين انهم احفاد العرب واليونان ومش مصريين اصليين وانهم اصحاب الارض فنشرنا الابحاث اللي تأكد اننا احفادهم بتقولك مفيش عرق وده صحيح وناشر ابحاث اليونسكو في الموضوع ده في كتابي والجملة اللي بعدها استوعبت كل الاعراق
الدكتورة اكيد عارفة ان الثقافة حاجة والحضارة حاجة ومصر استوعبت الثقافات المارة بها وطبعتها بطبعها الناتج عن حضارتها العتيدة
انما خلط الحابل بالنابل في الاجابة دي مأساة حقيقية
د. مونيكا في الحوار تغني وترد على نفسها وتستمر في غيها وتتجاهل العلم والمنطق وحتى ماجربتش تقرأ عن الافروسنتريك والغرب هو الشرير وخلاص
مأساة لما حد اكاديمي يبقى ده مستوى تفكيره
