اقدم فستان منسوج في التاريخ وفي العالم كله، فستان تم اكتشافه في مقبرة طرخان
محمد عبدالرحمن
٩ نوفمبر ٢٠٢٥
واحدة من ضمن اندر القطع اللي مصر بتطالب بإسترجاعها من لندن هو الفستان اللي قدامك ده!!
اللي قدامك ده مش فستان كتان عادي، دا اقدم فستان منسوج في التاريخ وفي العالم كله، فستان تم اكتشافه في مقبرة طرخان في القاهرة وبيرجع عمره ل٥١٠٠ سنة.
لما تم تأريخه بالكربون المشع سنة ٢٠١٥م لقوا تاريخه مابين ٣٤٨٢ ل٣١٠٢ قبل الميلاد يعني اللي كانت لابسة الفستان ده حضرت توحيد القطرين مثلا ويمكن قبل كدة، يعني مشافتش الاهرامات لانها مكانتش اتبنت وقتها.
ومع ذلك، الفستان ستايل بردو، مفتوح سبعة من عند الرقبة وفيه كشكشة عند الصدر واكمامه طويلة، ومقاس الفستان صغير يعني البنت اللي لبسته كانت رفيعة او رشيقة بمعايير دلوقتي، وفيه كمان جلاليب رجالي احدث شوية واخدة ستايل الجلابية الصعيدي ام اكمام طويلة وفاتحة على شكل سبعة من عند الصدر بردو لان ده لبس الهوية المصرية ولبس جدودك مش حاجة نستعر منها ابدا.
الفستان ده دليل ان احنا اول ناس فصلنا هدوم في التاريخ اصلا، قبل حتى الاسرة المصرية الاولى، قبل حتى الاهرامات، وللاسف الفستان ده في متحف بيتري للاثار المصرية في لندن اللي فيه حوالي ٨٠ الف قطعة مصرية على سودانية.
وعلى العالم أجمع ان يتفهم اننا بنعرف نلبس من ٥٠٠٠ سنة فاتت اللي هوا احنا اللي علمنا الناس تلبس!!!!
