اتحاد الاثريين العرب يمنح د مونيكا حنا جائزة التميز الأكاديمي لعام ١٤٤٧/٢٠٢٥
محمد عبدالرحمن
١٢ نوفمبر ٢٠٢٥
فرحة ومسؤولية!
هكذا صرحت الاستاذ الدكتورة مونيكا حنا عميد كلية التراث والاثار بالأكاديمية البحرية بأسوان.
بكل امتنان، بشارككم خبر حصولي على “جائزة التميز الأكاديمي لعام ٢٠٢٥/١٤٤٧هـ” من الاتحاد العام للآثاريين العرب.
لما عرفت إن القرار جه بالإجماع من مجلس إدارة الآثاريين العرب، حسيت إن نفخة قلبي كدارسة للآثار المصرية مراحتش في الأرض. التكريم ده مش ليا لوحدي، ده لكل واحد بيحاول يحافظ على تاريخنا ويسهر عشان التراث المصري يرجع مكانه سواء من الاهمال، الفساد، السرقة او من الاستعمار.
اللحظات دي بتدي طاقة عظيمة… وبتخليني أحس بمسؤولية أكبر وأنا بشوف التقدير ده من زملائي وأساتذتي مش بس في مصر ولكن في العالم العربي.
شكر واجب
ألف شكر وتقدير من القلب للأستاذ الدكتور/ أ.د محمد محمد الكحلاوى، رئيس المجلس، وكل القامات الأعضاء في الاتحاد اللي دايماً وقفوا معانا في اصعب ايام مرت على التراث المصري.
وزي ما قال ابن عطاء السكندري: “إذا أردت أن تعرف قيمتك، فانظر لمن يقدّرك.”
إن شاء الله نتقابل ونحتفل مع بعض في المؤتمر الدولي يوم ٢٢ نوفمبر ٢٠٢٥ في مبنى اتحاد الاثريين العرب في ٦ اكتوبر.
مونيكا حنا
استاذ مساعد الاثار والتراث الحضاري (قريباً بتميز أكاديمي رسميًا! )
