محمد عبدالرحمن
٥ نوفمبر ٢٠٢٥
ليه نفرتيتي!! و اشمعنا نفرتيتي!!
الرأس طولها 47 سم و وزنه 20 كيلو و مصنوع من الحجر الجيري .. اكتشفه عالم اسمه لودفينج بورشاردت في تل العمارنه و كان ساعتها القانون بيقسم الاكتشافات الاثريه بين البعثه الاجنبيه و المصريه لكن بشروط اهمها انه تمثال ملكي .. طبعا الاخ بورشاردت عجبه التمثال و قال عظيم بيمين هاخده و طلع قال ان التمثال مش ملكي و زور في الاوراق و خده و طار ع المانيا و اول ما التمثال اتعرض اتفقنا مع المانيا انهم يرجعوه و كانوا خلاص هيوافقوا لكن الاخ هتلر قال اشوف التمثال الاول و اول ما شافه انبهر و قال كلمته الشهيره “سأشن حربا على مصر كي لا تعود رأس نفرتيتي”
و من ساعتها الالمان مفكرينها انها ملكهم لحد ما في سنه 1930 وصفتها الصحافه الالمانيه انها “ملكتهم الجديدة” و ان نفرتيتي هتعيد تأسيس هويه الامبراطوريه الالمانيه من جديد اتعهد ساعتها انه يتبني متحف عشان خاطر نفرتيتي و اتبني متحف برلين !
في السبعينات نفرتيتي بقت رمز للهوية الوطنيه ل ألمانيا الشرقيه و الغربيه اللي اتأسسوا بعد الحرب العالميه الثانيه و بعدها بقت رمز ثقافي لبرلين و بقى عدد زوار المتحف 500000 زائر في السنه و في سنه 1989 وجه نفرتيتي بقي ع البطاقات البريدية في برلين و في سنه 1999 ظهر التمثال على الاوراق الانتخابية لحزب الخضر الألماني عايز اقولك ان مصر بتحاول بكل الطرق لإعادة التمثال اللي محطوط في دور كامل في متحف برلين و ليك انك تحكم إذا كانت مصر هتعرف ترجعه بعد كل اللي كتبتهولك ده ولا لا!!!
